以下是筆者數年前的一次親身經歷。回想起來情景仍是歷歷在目,想與大家分享。
時為聖誕前的一個傍晚,筆者從尖沙咀碼頭搭巴士去旺角。同車有一位媽媽帶着一個大概八九歲的哥哥、和五六歲的妹妹。媽媽衣着樸素,孩子們乾淨企理。
當巴士駛經半島酒店的時候,聖誕燈飾剛剛亮起,閃爍耀眼。孩子們拍手叫道:
「媽媽,啲聖誕燈飾好靚呀!」
「係呀,呢度係半島酒店,香港嘅著名地標。呢度嘅下午茶,同埋奶黃月餅都好出名架。」媽媽回答說。
「媽媽,我都想食月餅。」妹妹說。
哥哥則問道:「媽媽,喺半島酒店食嘢係咪好貴架?」
媽媽笑着說:「傻女,中秋節剛剛過,想食月餅要等出年。哥哥講得好啱呀,喺半島酒店飲杯檸檬茶都要成50蚊㗎。」
「哇!夠喺大家樂食一個餐。」兄妹倆盤算著。
「媽媽,下次我哋可唔可以同埋爸爸一齊喺半島酒店影相呀?我覺得呢度真係好型呀。」
「當然可以啦。其實香港仲有好多其他出名嘅地標,你哋知唔知係邊度?」
雖然談話內容跟「教育電視」有點相像,但看著聽著她們三母子說著笑著,筆者只覺無限溫馨。
筆者到站下車,到達酒店與親友於中菜廳晚飯。甫坐下,親友便問她的孩子:「寶貝,今晚鍾意食乜嘢?」
正在手遊的寶貝,眼睛沒有離開過手機,也沒有望過媽媽一眼,咀上吩咐道:「我要食燒乳鴿!」
親友也不徵詢大伙的意見,便向侍應落單:「六隻燒乳鴿,開邊上啦。」
「唔好意思,我哋冇做乳鴿菜式。」侍應姐姐禮貌地但淡淡的回答說。
大伙還未來得及反應,寶貝突然拍枱大聲嚷道,「我唔理!我今晚一定要食燒乳鴿!!」擾擾攘攘一輪,我們幾乎要換地方晚飯⋯⋯
雲泥之別,莫過於此。
筆者相信,兩位媽媽一樣疼愛她的孩子,都在努力為孩子建構一個能力範圍以內最好的成長環境。雲泥之別,是在於資源?家教?關係?真正的起跑缐,真正的贏,又該如何定義?