01 2月
工作坊上，不少夫妻都不約而同地指出，孩子的學業和功課，是二人之間不能協調的重點之一。
究竟問題出在哪裏呢？
於是，大家就每天的追⋯
妻子向丈夫說：「明明講好一人一個，你check細佬啲功課，我幫家姐溫聽日嘅默書。好喇，你唔使10分鐘就話攪掂，兩仔爺就去打機，我搞掂個大嘅，一check個細嘅，喂，仲有默書改正未做呀！你做嘢永遠得7成，成日淨係掛住打機，我就嚟要限埋你每日打機嘅時間！！」
丈夫回應道：「佢唔做默書改正，聽日返到學校，老師自然會處理；老師罰佢，佢先至會學到教訓，下次唔會做漏。如果下下都要我哋check實佢，佢先識得做齊功課，咁就死得啦！咁究竟係我哋返學，定係佢返學！你係唔鍾意我哋打機，你就講清楚，唔好將啲嘢炒埋一碟嚟講！」
妻子：「求求其其做晒啲嘢，你兩仔爺做咗咩呢？ 咪打機囉！根本就係趕住打機！你梗係講得輕鬆！佢交唔齊功課，老師係打電話俾我投訴，又唔係打俾你。」
丈夫：「咁你咪叫老師打俾我囉。總之我話你知，唔關趕住打機事。」
家姐和細佬心諗，你哋唔好再嘈啦！好煩呀！！
～～～～～～～～～～～～～～～～～
妻子的角度 我明明講好，一人一個照顧對仔女做功課，但佢永遠都係求求其其做，最後又係要我執首尾，仲要教壞個仔，一日到黑淨係顧住打機。
丈夫的角度 我根本就唔認同，佢係都要盯實啲細路做功課，講句唔聽，咁我咪用我嘅方法囉。佢梗係唔滿意㗎。我最唔鍾意佢係唔係都借題發揮，乜嘢都同打機扯上關係。
～～～～～～～～～～～～～～～～～
於不同的事情，有不同的看法，是正常不過的。但夫妻是一世的伴隨，遇到分歧，特別是處理孩子，更需要認真的溝通，冷靜聽取對方的意見，而不是單單堅持己見。將處理事情和發洩情緒混為一談，是極不理智的；事情辦不好之餘，情緒的牽動更會令事情變得更僵。
嘗試由根本源頭去處理分岐，例如由全程陪伴，改為讓孩子先做功課，不懂的可以問，爸媽做抽查；老師的聯繫加上爸爸的電話；至於打機這個老大難，定立大家可以接受的範圍，就算不能改變對方，尊重是不可缺少的。否則，日日發生的事天天吵，總會傷到感情的根本。