阿偉的爸爸,在阿偉8歲的時候過身,母親一日打兩份工,捱大四個仔女。身為大哥的阿偉,不單身兼母職照顧年幼弟妹的起居飲食、功課品德,更代替死去的父親,安慰孤清寂寞的母親。阿偉對母親的哀愁感同身受,母親倦了阿偉替她捶背,母親哭了阿偉替她拭淚。阿偉是母親勞累淒苦的日子之中最大的依靠,母子倆心意相通,關係密不可分。

見到阿偉一家的時候,他的母親已經過世,他自己亦已從紀律部隊工作退了休,十五歲的獨生兒子Marcus被確診焦慮和抑鬱。

剛坐下,阿偉的妻子急不及待的開口説話:「爸爸係一個好嚴格、講規矩同尊卑嘅人,說一不二,冇人可以挑戰佢嘅權威。唔係淨係我咁講,我啲姑仔叔仔,全部都贊成㗎。好簡單嘅事,譬如一家人放假去邊度玩,搭乜車點樣去、食乜嘢、幾時走,全部都係佢一言堂。個仔有扁平足,行得路多腳會痛,但係爸爸唔理,話鍛鍊多啲就會無事,係要逼佢行,痛到喊都唔淮停!攪到每逢周未前Marcus就開始緊張,唔知爸爸又會逼佢做乜嘢!咁我安慰佢,爸爸係好嚴格,但都係為你好啫。總算相安無事,直至升中之前嗰年,Marcus突然係街上大哭大叫,情緒平復唔到,跟住就唔肯返學,社工呀,心理醫生呀見咗一大堆,就話佢有焦慮同抑鬱。但爸爸認為自己經歷咁坎坷嘅童年都捱得過,個仔比自己幸福百倍,邊有咁多焦慮,一口咬定係裝模作樣,以病作藉口為唔合格嘅成績開脫。」

媽媽說話的時候,低下頭聲音很細,手指不停搓著,時不時觀察著丈夫的臉色,見他沒有喝停,便鼓起勇氣繼續快快講下去,生怕錯過了,便不會再有這個不吐不快的機會。

阿偉雖然没有制止妻子的講話,臉色卻有點陰晴不定,一陣紅一陣青的,明顯是努力壓下情緒,有點不敢想像,他們一家人單獨相處時的模樣!

「不如講下妳與丈夫嘅相處。」

「奶奶係度嘅時候,阿偉每日放工都會先去探亞媽,陪奶奶食完飯先返屋企,佢返嚟就檢查亞仔啲功課,通常都會鬧做得唔夠好,學習唔夠認真。我明白爸爸係個嚴格嘅人,佢真心想個仔好,但係單靠鬧,個仔點會接受!」

唉!這便是她與丈夫的相處 ?!

下周再續。

#強權爸爸

#焦慮

#抑鬱症

#與丈夫的相處

#母子相依為命但係邊對母子


為作者讚好︰ 點擊前往

Aunty Anne 解憂信箱︰ 點擊前往 (歡迎師長就父母子女疑難來訊提問,亦歡迎師長來訊感想)

圖片來源︰由作者提供

【本文經Aunty Anne同意轉載,歡迎到訪作者專頁了解更多】