30 5月
又一位苦惱的爸爸！
夫：老婆今日要陪阿仔讀書，考緊試，join 唔到啦，唔好意思。
友：明啦 （拍了拍對方的膊頭）。
夫：佢又諗緊幫阿仔轉校。知唔知 B 小學好唔好？
友：你個仔讀緊個間 A 小學，同B 小學，冇咩大分別噃。點解諗轉呢間 ？
夫：佢有兩科唔合格，咁老婆咪覺得學校唔適合阿仔囉！
友：係呀。聽講最近啲小學嚴謹咗，中、英、數是但一科唔合格，都要留班。不過老實講，A小學同B小學真係分別不大。
夫：都唔係我話事架啦，老婆覺得好，咪好囉。都係佢嘅標準。
友：其實轉校對小朋友而言，都係一件大事，要用好多時間同能量去適應。
夫：呢樣又唔怕嘅，我個仔慣㗎啦，佢阿媽由 pre-school 開始就幫佢轉校，到而家二年級已經轉咗五、六次！佢 ok 嘅！！
真的會慣嗎？！
孩子返學讀書，除了增長知識，學習與人相處，適應群體生活亦同樣重要；人際關係需要時間建立，孩子插班，即是要中途加入已經成功建立了的群體，過程絕不簡單。
孩子轉校，是一個被連根拔起重新栽種的艱難過程！面對新學校新環境新課程、新老師不同的教學方法和學習要求、陌生新同學的目光和態度，方方面面都需要重新適應。作為一個「外來人」，孩子是唯有依賴自身的應變能力，難免戰戰兢兢，一步一驚心。能夠融入當然萬幸，萬一沒人搭理，甚至遇到排斥，孩子不安焦慮，成績自然不會好得到那裏，無論轉幾多次校，都不是對症下藥的處理。
其實，成功發展自我是每一個人的心之嚮往；想孩子可以專心學習，健康成長，安穩的家庭和學習環境兩者都十分重要。爸爸媽媽和諧相處，萬事有商有量，兄弟姊妹友愛親近，孩子不用擔驚受怕，自然有衝勁去做好自己；學校是一個有規矩的地方，讓孩子學習知識，建立人際和社交關係，立身處世，豐富人生。
從爸爸的說話中，不難發現，他並不贊成阿仔不停轉校，只是話語權不在自己手上，他敵不過太太的決定。我們並不清楚知道他們夫妻是間是如何相處，可以肯定的是，在阿仔學業的安排上，夫妻之間存在矛盾。
請爸爸媽媽好好檢視自己共同為孩子提供的成長環境，確定自己為孩子提供的最好，是真真正正的回應孩子的需要。
成長之路困難重重，亦可以精彩無限，
無論孩子和大人，都有做得更好的空間。